وەزارەتى کارەبا: سەرکەوتوو بووین لە پڕۆژەى دابینکردنى کارەباى 24 کاتژمێرى

964+

وریا فەتاح

وەزارەتى کارەبا روونکردنەوە لەسەر پڕۆژەى دابینکردنى کارەباى 24 کاتژمێرى دەدات و دەڵێت، لەو پڕۆژەیە سەرکەوتوو بووین.

وەزارەتەکە رایگەیاندووە، لە هەندێ پەیج و ئەکاونتی پلاتفۆرمەکانی سۆشیاڵ میدیا، هەواڵی ناڕاست و چەواشەکارانە بە ناوی وەزارەتی کارەبا و فەرمانگەکانییەوە لەبارەی دۆخی کارەبا بڵاو دەکرێنەوە.

“وەزارەتی کارەبا تەنیا لە رێگەی وتەبێژ و پەیجە فەرمییەکەیەوە، زانیاری و داتای پێویست لەبارەی کار و چاڵاکی و بڕیار و لێدوان و رەوشی کارەبا بڵاو دەکاتەوە”، وەزارەتى کارەبا وا دەڵێت.

لەبارەى کارەباى 24 کاتژمێرى، وەزارەتەکە دەڵێت: سەرکەوتوو بووین لە دابینکردنی کارەبای 24 کاتژمێری.

جەختیش دەکاتەوە، لە بەرانبەر هەر جۆرە هەوڵێک بۆ بە لاڕێدا بردنی رایگشتی و پێدانی زانیاریی هەڵە لە بارەی دۆخی کارەبا، رێوشوێنی یاسایی دەرهەق بە ئەو کەس و لایەنانە دەگرینە بەر.

وەزیرى سامانە سروشتییەکان: تا کۆتایى 2026 کارەبا دەبێتە 24 کاتژمێرى