964+

کامیار کەمال- پێنجوێن

لە پێنجوێن بەفرێکی باش باریوە و کەشەکەی ساردە، باڵندەکانیش بەئاسانی خۆراکیان دەستناکەوێت بۆیە رێکخراوی ژینگەپارێزی ملەکەوە و پۆلیسی دارستان لە چەند شوێنێکی جیاواز گەنم و دانەوێڵەیان بۆ رۆدەکەن.

وریا عەلی ئەندامی رێکخراوی ژینگەپارێزی ملەکەوە بە 964ـی وت، دەیانەوێ بەم چالاکییە ئەو پەیامە بدەن بە هاوڵاتیان و راوچییەکان، کە لەبری راوکردن، بیر لە پاراستنی باڵندەکان بکەنەوە.

داوایشی لە هاوڵاتیان کرد، لەم سەرما و سۆڵەیەدا لە خەمی ژینگە و باڵندە کێوییەکاندا بن.

لایخۆشییەوە سەردار ئەحمەد بەڕێوەبەری پۆلیسی دارستانی پێنجوێن، بە 964ـى راگەیاند

سەردار ئەحمەد وتی، چالاکییەکانیان بۆ پاراستنی باڵندە و ئاژەڵە کێوییەکان بەردەوام دەبێت و راوچییەکانیش رووبەڕووی دادگا دەکەنەوە.

ئاماژەی بەوەشکرد لەم کاتەدا کە بەفرێکی زۆر باریوە، باڵندە و ئاژەڵە کێوییەکان دێنە قەراغ جادەکان و ئەو شوێنانەی ئاوەدانی لێیە، راوچییەکانیش دەستیان لێناپارێزن و دەیانکوژن.

لەو شەپۆکە بەفر و بارانەی چەند رۆژێکە رووی لە ناوچەکانی کوردستان کردووە،  زیاتر لە 20 سانتیم بەفر لە سەنتەری قەزای پێنجوێن باریوە.

پێداچوونەوە: شۆڕش قادری

بێ بارانییە و ئاو بۆ باڵندە و ئاژەڵە کێویەکان دادەنێن

لە پێنجوێن تیمەکانی رێگاوبان ئامادەکاری تەواویان بۆ بەفر کردووە

بە هەزاران ماسی لە پێنجوێن رزگار کران

964+

ژووری هەواڵ

نۆرادیۆ لە یەکەم رۆژی مانگی رەمەزانەوە شەوانە لە سۆشیال میدیای 964 بەشێوەی راستەوخۆ پەخشدەکرێت و هەرچی باس و خواسی رۆژ و کەشی رەمەزانە باسی دەکەن، گرنگترین تەوەری ئەمڕۆ دەستەی راگەیاندن و پەیوەندییەکانی عێراق کۆمەڵێک یاسا و رێسای بۆ ئەو کەسانە دانا کە لە سۆشیاڵ میدیا بەناوبانگن و ژمارەی فۆڵۆوەرزەکانیان بەرزە، کە دەبێت پارە بدەن.

هاوکات باسیان لە هەواڵی مەرگی هونەرمەند و ئەکتەر کاوە جوتیار لە سلێمانی کرد، کە بەهۆی نەخۆشییەوە دوای چەند رۆژێک مانەوەی لە نەخۆشخانە گیانی لەدەستدا.

توانا و چاوان باسی رووداوەکانی رۆژ و چاککردنی قژی 10 هەزار کەس بە خۆڕایی تا دەگاتە جەوى سۆران و دهۆک لە شەوانی رەمەزاندا.

دەنگوباسی نەورۆزی کوردستان و رووداوە گرنگەکان لە نۆرادیۆی ئەمجارە