دیمەنێک لە کلاسیکۆیەکی پێشووی فەڕەنسا فۆتۆ: AP
ئه‌مشه‌و كلاسیكۆی فه‌ڕه‌نسایه
964+
ئه‌رسه‌لان عه‌بدوڵڵا
له یارییه‌كی به‌هێزی قۆناغی 16ی جامی فه‌ڕه‌نسا، هه‌ردوو یانه‌ی مارسیلیا و پاریس سانجێرمان رووبه‌ڕووده‌بنه‌وه.
یارییه‌كه ئه‌مشه‌و كاتژمێر 23:10 خوله‌ك له یاریگای مارسیلیا ده‌كرێت و چاوه‌ڕوان ده‌كرێت زۆر به‌هێز بێت، چونكه هه‌ردوو یانه ركابه‌ریی مێژوویی یه‌كترن و یاری نێوانیان هه‌میشه تایبه‌تمه‌ندیی خۆی هه‌یه.
پاریس سانجێرمان له یاری ئه‌مشه‌و له ئیمباپێی هێرشبه‌ری تیپه‌كه‌ی بێبه‌شه، كه پێكانی هه‌یه، به‌ڵام هه‌ریه‌كه له ڤیێراتی، رامۆس و نه‌یمار گه‌ڕاونه‌ته‌وه تیپه‌كه، دوای چاكبوونه‌وه‌یان له پێكان.
براوه‌ی یارییه‌كه ده‌چێته قۆناغی هه‌شت و ئه‌و تیپه‌یشی بدۆڕێت، ماڵئاوایی له جامی فه‌ڕه‌نسا ده‌كات.
وه‌رزی رابردوو یانه‌ی نانت نازناوی جامی فه‌ڕه‌نسای به‌ده‌ستهێنا.