دیمهنى دوو ماده‌ى پاككرهوه كه نهخۆخشخانهكه بڵاویكردووهتهوه.
نه‌خۆشخانه‌ى رزگارى هه‌ولێر واده‌ڵێت
خانمان ئاگادار ده‌كرێنه‌وه ماده‌كانى پاككه‌ره‌وه به تێكه‌ڵكراوى به‌كارنه‌هێنن
964+
فه‌رهاد حه‌سه‌ن
نه‌خۆشخانه‌ى رزگارى هه‌ولێر، ئاگادارى خانمان ده‌كاته‌وه نه‌ك هه‌ندێك ماده‌ى پاككه‌ره‌وه هه‌یه به‌تێكه‌ڵكراوى به‌كارى بهێنن، چونكه مه‌ترسیداره و گیان له‌ده‌ستدانى به‌دواوه‌یه.
ئه‌وه‌ى نه‌خۆشخانه‌كه باسی ده‌كات قسه‌ى پزیشكێكیانه به‌ناوى د.سۆران ئه‌حمه‌د كه پزیشکی پسپۆڕی فریاکەوتنه و باس له‌وه ده‌كات كه تێکەڵکردنی مادەی پاککەرەوە دەبێتە هۆی دروستکردنی چەندین گازی مەترسیدار و بکوژی وەکو گازی کلۆرین، کلۆرۆفۆرم.
د. سۆران ده‌ڵێت “چەند رۆژێك پێش ئێستا ژنێکی بەڕێز بێ ئەوەی بزانێت دوو مادەی پاککەرەوەی تێکەڵ کردبوو بۆ پاککردنەوەی ماڵەوە، یەکسەر هەناسە و دڵی لەکار کەوت و هێنایانە لای ئێمە لە فریاکەوتن، بەڵام به داخەوە پاش هەوڵێکی زۆر نەتوانرا ژیانی رزگار بکرێت”.
روونیكردووه‌ته‌وه، ئەو گازانە زۆر بە خێرایی وا دەکەن رێڕەوی هەناسەدان به‌رتەسک بکەنەوە و سیەکان لە کار بخات.
رووداوى گیان له‌ده‌ستدانى خانمه‌كه كاریگه‌رى زۆرى له‌سه‌ر ئه‌م پزیشكه هه‌بووه، بۆیه ئاگادارى ته‌واوى خانمان ده‌كاته‌وه كه ئه‌م هەڵەیە دووباره نه‌كه‌نه‌وه، ماددەی پاککەرەوە بە هەستیارییەوە بە کاربهێنن و هەرگیز تێکەڵی یەکتریان نەکەن.
زیاتر له 17 هه‌زار نه‌شته‌رگه‌ری جۆراوجۆر له نه‌خۆشخانه‌ى رزگارى هه‌ولێر ئه‌نجامدراون
دوكه‌ڵه‌كه‌ى نه‌خۆشخانه‌ى رزگارى هەولێر دوو لایەن و وەزارەتێکی هێنایه سه‌رخه‌ت
ئەنجامدانی نەشتەرگەری لە نەخۆشخانەی رزگاری هه‌ولێر وه‌ستا
