لە کەرکوک هەڵمەتێک بۆ لابردنی تابلۆی بێ مۆڵەت دەستیپێکرد - وێنە: پارێزگای کەرکوک
"سیمای شار جوان دەکەین و ئاستەنگییەکان ناهێڵین"
لە کەرکوک تابلۆ و ریکلامی بێ مۆڵەت لە شەقام و شۆستەکان لادەبرێن
964+
شۆڕش قادری
لە کەرکوک هەڵمەتێک بۆ لابردنی تابلۆ و ریکلامی بێ مۆڵەت لەسەر شەقام و شۆستەکان دەستیپێکرد و ئامانج لێی، نەهێشتنی ئاستەنگییەکانی هاتوچۆ و جوانکردنی سیمای شارە.
عەدنان شکور لێپرسراوی راگەیاندنی شارەوانی کەرکوک بە 964ـی وت، “ئەمڕۆ شەممە 22.2.2025 هەڵمەتێکی بەرفراوانمان بۆ لابردنی تابلۆی بێ مۆڵەت و ریکلامی سەر شەقام و شۆستەکان دەستپێکرد بە ئامانجی جوانتركردنی سیمای شارەکە و لابردنی ئاستەنگییەكانی بەردەم هاتوچۆی هاوڵاتیان و شۆفێران”.
“سەرەتا دوکانداران و کاسبکاران بۆ لابردنی تابلۆکانیان ئاگادار دەکەینەوە، ئەگەر لایان نەبرد، خۆمان لێیاندەکەینەوە و لایان دەبەین، ئەگەر دووبارە دایانبنێنەوە، سزایان دەدەین”، عەدنان شکور وای وت.
ئاماژەی بەوەشکرد، هەڵمەتەکەیان بەردەوام دەبێت و لە هەر شەش کەرتەکەی شارەوانی کەرکوک ئەنجام دەدرێت.
رێگاوبانهكانی كهركوك رێكدهخرێنهوه
