دوو کەسن و لە هەولێر کەتنەکەیان کردووە
بەناوی خێرخوازییەوە فێڵیان لە بەساڵاچووان دەکرد و پارەیان لێوەردەگرتن؛ دەستگیرکران
964+
شۆڕش قادری
لە هەولێر دوو کەس کە یەکێکیان ژنە، بەناوی خێرخوازییەوە فێڵیان لە ژنانی بەساڵاچوو دەکرد و پارەیان لێوەردەگرتن، پۆلیس پێیانیزانی و دەستگیری کردن.
“ئەو دوو تۆمەتبارە، خەڵکی سنوری دەرەوەی شاری هەولێرن و یەکێکیان ژنە، هەفتانە چەند جارێک دەهاتنە شاری هەولێر و هەڵدەستان بە هەڵخەڵەتاندنی ئافرەتانی بەساڵاچوو بەناوی خێرخوازییەوە، گوایە کەسێکی خێرخواز هاوکارییان دەکات، بەڵام نابێت پارەیان لەلا بێت، پارەکەیان لێ وەردەگرتن و دواتریش خۆیان ون دەکرد”، بەڕێوەبەرایەتی پۆلیسی پارێزگای هەولێر لە راگەیەنراوێکدا وادەڵێت.
ئاماژەی بەوەشکردووە، لە ئێستادا هەردوو تۆمەتبار بە بڕیاری دادوەری لێکۆڵینەوە دەستگیر کراون و رادەستی دادگا کراون.
بە دیلیڤەری داوای پێنج ئایفۆنی کرد بەڵام فێڵی لێکرا و کلێنسی بۆ چوو
