پشووی ئەمڕۆی پەروەردەکان هەمووی نەگرتووەتەوە

964+

توانا نەقی

بەهۆی نالەباری کەش و هەواو و دابەزینی زۆری پلەکانی گەرماوە لە پەروەردەی چەند ناوچەیەک بۆ ئەمڕۆ کراوە بە پشوو هەر شەویش چەند شوێنێکی دیکە رایانگەیاند کە پشوو نابێت.

پەروەردەکانی ئیدارەی گەرمیان لەگەڵ قەزای پێنجوێن و قەزای چەمچەماڵ رایانگەیاند کە بۆ ئەمڕۆ یەکشەممە دەوامی فەرمی هەیە و هیچ پشوویەک لە هیچ قوتابخانەیەک راناگەیەنن.

هەریەک لە پەروەردەکانی ئیدارەی راپەڕین و پارێزگای هەڵەبجە و هەروەها پەروەردەی سلێمانی کە پشوویان راگەیاندووە لەگەڵیا دەسەڵاتیان داوە بە پەروەردەکان و قوتابخانەکان کە بیکەن بە پشوو یاخود نا.

ئەسعەد جافر بەڕێوەبەری پەروەردەی پێنجوێن بۆ 964وتی، ئەمڕۆ  پەروەردەی پێنجوێن نایکاتە پشوو و دەوام ئاساییە، ئەمە لەکاتێکدایە پێنجوێن یەکێکە لە ناوچە هەرەساردەکانی هەرێمی کوردستان.

هەرچی وەزارەتی خوێندنی باڵاشە هەرشەو ئەوەی راگەیاند کە دەسەلاتیان داوە بە زانکۆ و پەیمانگاکان ئەگەر بە پێویستیان زانی و ویستیان دەتوانن بیکەن بە پشوو.

دایەنگە و سەنتەرە حکومییەکانی چاودێری کەمئەندامان پشوویانە