دیمەنی ئەو ئاژەڵەی لەلایەن لیژنەکانی قایمقامیەتەوە دەستیبەسەردا گیرا وێنە: قایمقامیەتی هەڵەبجە
خاوەنەکەی ویستویەتی بیباتە دەرەوەی هەڵەبجە
مەڕێکی مرداربووەوەی سەربڕاو دەستی بەسەرداگیرا و تەلەفکرا
964+
ژێوار خدر
ئاژەڵەکەی مرداربووەتەوە و سەری بڕیوە ویستویەتی بیباتە دەرەوەی هەڵەبجە، بەڵام لە بازگەی زەمەقی دەستیبەسەرداگیرا.
فەلاح نامیق، سەرۆکی لیژنەکانی قایمقامیەتی هەڵەبجە بە 964ـی وت، کەسەکە ئاژەڵێکی لە جۆری مەڕی رەشی پێبووە و لە بارهەڵگرێکدا لەلایەن لیژنەکانمانەوە لە بازگەی زەمەقییەوە دەستبەسەر ئاژەڵە مرداربووەوەکەدا گیرا.
وتیشی، بە وتەی کەسەکە خۆی ئاژەڵەکەی مردار بووەتەوە و دواتر سەری بڕیوە و هەوڵیداوە بیباتە دەرەوەی هەڵەبجە، بەڵام ئێمە ناسنامەکەیمان داوە بە بەشی یاسایی و قایمقامیەت و بڕیارە لێکۆڵینەوەی لەگەڵدا بکرێ، بۆ ئەوەی هۆکاری سەربڕینی ئاژەڵەکە دوای مرداربوونەوەی روونبکاتەوە و لێپێچینەوەی یاسایی لەگەڵدا بکرێت.
باسی لەوەشکرد، مەڕەکە کێشی 40 کیلۆ بووە و لەلایەن لیژنەکانیانەوە تەلەف کراوە.
