تەرمی گەنجێک لەنزیک رووباری ئەڵوەن لە خانەقین دۆزرایەوە
دوای چوار رۆژ لە دیارنەمانی
تەرمی گەنجێک لەنزیک رووباری ئەڵوەن دۆزرایەوە
964+
راژان باجەڵان – خانەقین
لە خانەقین گەنجێک دوای چوار رۆژ لە بێسەروشوێنبوونی، تەرمەکەی لە نزیک پردی ئەڵوەن دۆزرایەوە.
د. شوان شاکر بەڕێوەبەری نەخۆشخانەی خانەقین بە 964ـی وت، “کاتژمێر 4:45 خولەکی ئێوارەی ئەمڕۆ سێشەممە 4.2.2025 تەرمی گەنجێک بە ناوی (ع، ی، ع) و لەدایکبووی ساڵی 1991 بەخنکاوی گەیەنرایە نەخۆشخانەی خانەقین”.
“تەرمی ئەو گەنجە لەنزیک پردی ئەڵوەن دۆزراوەتەوە، لەئێستادا کاری پێویستی بۆ دەکرێت و لێکۆڵینەوە لەوبارەیەوە بەردەوامە”، د. شوان شاکر وای وت.
بەپێی زانیارییەکانی 964 ئەو گەنجە کاتژمێری 3:30 خولەکی دوانیوەڕۆی رۆژی 1.2.2025 لەماڵ دەرچووە و نەگەڕاوەتەوە.
پێداچوونەوە: شۆڕش قادری
