مێژووەکەی بۆ چاخى بهردین دهگهڕێتهوه
ماستهرپلانێكی گهشتیاری – شوێنهوارى بۆ هاوشێوەکەی شانەدەر له كۆیه دروستدهكرێت
964+
فهرهاد حهسهن
له سنوورى قهزاى كۆیه و بهدیاریكراویش له بهرامبهر گوندى سناوهى بنارى چیاى سهفین، ئهشكهوتێكی سهردهمى چاخى بهردین ههیه و شوێنهوارى ههرێمیش دهڵێت، ماستهرپلانێكی هاوبهشی گهشتیاری – شوێنهوارى بۆ دادهنێن بۆ ئهوهى خهڵكی لهههردوو رووهكه سهردانى بكات.
ئهشكهوتهكه بهتهنیا نیه شوێنهواری نشینگەیەکی دێرینى گوندێك و گۆڕستانێكیشی لێ نزیكه كه مێژووهكهى بۆ سهردهمى ئیسلامی دهگهڕێتهوه.
پێشتر كارى ههڵكۆڵین و پشكنین بۆ ئهم ئهشكهوته كراوه و ئهو پارهچه و شوێنهوارانهى لێى دۆزراوهنهتهوه مێژووهكهیان بۆ چزار ههزار ساڵ پێش ئێستا گهڕاندووهتهوه.
كهیفی مستهفا عهلى، بهڕێوهبهرى گشتى شوێنهرواى ههرێم، لهگەڵ تیمێكی پسپۆڕ سهردانى ئهو ئهشكهوتهى كرد، بۆ ئهوهى لە داهاتوویهكی نزیك ماستهپلانێكى گهشتیاری – شوێنهوارى بۆ ئهم ئهشكهوته دابنێن.
كهیفى به 964ـى راگهیاند، بههۆى ئهوهى شوێنى شوێنهوارهكه ناوچهیهكى سهرهنجڕاكێشه و بهردهوامیش هاوڵاتیان بۆ سهیران و گروپهكانى شاخهوانیش سهردانى دهكهن بۆیه بهپێویستیان زانیوه كار بۆ دروستكردنى ماستهرپلانهكهى بكهن.
وتیشی “ئهشكهوتهكه لەزۆر رووەوە لە ئەشکەوتی شانەدەر دەچێت، لەگەڵ نشینگەیەکی دێرین و گۆڕستانهكهشی وهكو شوێنهوار تۆمار كراون و بهشێوهیهكی بهردهوامیش له رێگهى مانگى دهستكردهوه وهكو چهندین شوێنهوارى دیكهی هەرێم چاودێرى دهكرێت”.
شوێنهوارى ههرێم خولێكى تایبهتى به راهێنانى لهسهر "تهلیشهبهرد" بهڕێوهبرد
شوێنهوارى ههرێم: مرۆڤى ئهشكهوتى شانهدهر وهك خێزان و بهكۆمهڵ ژیاون
