دیارنییه کوژراوە یان خۆی کوشتووە
ژنێک لە گوندی لوبنانی گیانی لەدەست دا
964+
دەشتی عارف ـ هەولێر
سەرلەبەیانی ئەمڕۆ سێشەممە، لە گوندی لوبنانی شاری هەولێر ژنێک لە باڵەخانەیەکەوە کەوتە خوارەوە و بەهۆیەوە گیانی لەدەستداوە.
بەپێی ئەو زانیارییانەی دەست 964 کەوتووە، ژنەکە تەمەنی لە نێوان 25 بۆ 30 ساڵیدایە و خەڵکی سوریایە، تەرمەکەشی ئێستا لە پزیشکی دادییە لە هەولێر و هێشتا دیارنییه کە خۆیهەڵداوەتە خوارەوە لەسەر بیناکە، یان لەلایەن کەسێکەوە خراوەتە خوارەوە.
964 پەیوەندی بە وتەبێژی پۆلیسی هەولێرەوە کرد بۆ دەستکەوتنی زانیاری زیاتر، بەڵام وەڵامی پەیوەندییەکانی نەدایەوە.
پێداچوونەوە: توانا نەقی
