کەشێکی سارد بەڕێوەیە و بەفر بارین دەستپێدەکات
ئەمڕۆ جەوەکەی خۆشە
لە ناوچە شاخاوییەکان بەفر و باران دەستپێدەکاتەوە
964+
ژێوار خدر
کەشی ئەمڕۆ جێگیرە و لە سبەی ئێوارەوە لە ناوچە شاخاوییەکان باران و بەفر دەستپێدەکاتەوە.
بەپێی پێشبینییەکانی کەشناسی هەرێم ئەمڕۆ چوارشەممە 22.1.2025، ئاسمان ساماڵ و پەڵە هەور دەبێت و لە شەودا دەگۆڕێت بۆ نیمچە هەور، پلەکانی گەرماش کەمێک بەرزتر دەبنەوە بەراورد بە دوێنێ.
سەبارەت بە کەشوهەوای سبەی ئاسمان نیمچە هەور دەبێت بەگشتی و لە ئێوارەدا دەگۆرێت بۆ هەوری تەواو بەتایبەت لە ناوچە شاخاوییە بەرزەکان و خاڵە سنورییەکان، پێشبینیش دەکرێت کەمێک بەفر و نمە باران لە ناوچە سنووریەکان ببارێت و پلەکانی گەرماش کەمێک نزمتر دەبنەوە بەراورد بەمڕۆ.
بەرزترین پلەکانی گەرمای پێشبینیکراو بە پلەی سیلیزی :
هەولێر: 15 پلەى سیلیزى
سلێمانی: 11 پلەى سیلیزى
دهۆک: 14 پلەى سیلیزى
کەرکوک: 17 پلەى سیلیزى
زاخۆ: 15 پلەى سیلیزى
هەڵەبجە: 12 پلەى سیلیزى
حاجی ئۆمەران: 1 پلەى سیلیزى
سۆران: 10 پلەى سیلیزى
گەرمیان: 18 پلەى سیلیزى
