رێگای سلێمانی - عەربەتیان داخستووە
لەسەر شەقامەکە وەستاون و ڕێگا نادەن تانکەرەکان تێپەڕن
964+
دیلان محەمەد جەزا
شۆفێرانی تانکەرەکانی گواستنەوەی سووتەمەنی لەسەر رێگای سلێمانی- عەربەت وەستاون و رێگە بە تێپەڕبونی شۆفێرانی ئێرانی نادەن.
ڕزگار فەرەج نوێنەری بارهەڵگرەکان بە 964ـی وت، خێمەیان هەڵداوە و لەوێ دەمێننەوە تا ئەو کاتەی داواکاریەکانیان جێبەجێ دەکرێت.
باسی لەوەکرد، چاوەڕوانن گرفتەکانیان چارەسەر بکرێت، لەبەر ئەوەی زۆرینەیان بە مانگ کاروانێکی گواستنەوەی سوتەمەنیان پێ نادرێت و باج و رسوماتیش دەدەن.
ئەم گردبوونەوەی ئێستایان دوای ئەوە دێت ئەمڕۆش لە رێگەی تانجەڕۆ جارێکی دیکە گردبوونەوە لەسەر هەمان داواکاری.
پێداچوونەوە: توانا نەقی
