لە هەولێر لە ئەمڕۆوە دەستکراوە بە دابەشکردن

دووشەممەی داهاتوو بژمێرەکانی سلێمانی شایستەی دارایی وەردەگرن

964+

توانا نەقی

هەفتەی داهاتوو رۆژی دووشەممە 20.1.2025 شایستەی دارایی بژمێرەکانی پرۆسەی سەرژمێری لە پارێزگای سلێمانی و هەڵبجە دابەشدەکرێت و لە هەولێریش دەستکراوە بە دابەشکردن.

بەڕێوەبەرایەتی ئاماری سلێمانی بڵاویکردەوە، رۆژی دووشەممەی داهاتوو لە رێگەی لیژنەی دابەشکردنی موچە لە تەواوی قەزاکانی پارێزگای سلێمانی و هەڵەبجە و ئیدارەی گەرمیان و راپەڕین دەست دەکرێت بە پێدانی موچەو میوانداری بەشداربوونی خولەکان.

دەشڵێت، موچەی مانگێکیان 250 هەزار دینارە و دوو هەزار دینار وەک رسوماتی لێبڕین دەگەڕێتەوە بۆ بەغدا و 80 هەزار دینار شایستەی بەشداریکردنی هەشت رۆژی خولی راهێنان وەردەگرن.

دڵزار حەمە ساڵح بەڕێوەبەری ئاماری هەولێر بە 964ـی وت، لە پارێزگای هەولێر لە ئەمڕۆوە دەستکراوە بە دابەشکردنی شایستەی دارایی توێژەر و بژمێرەکانی سەرژمێری.

وتیشی، ژمارەیان زۆرە و کاتی دەوێت  ئەمڕۆ ئەوانەی سەر بە شارەوانی یەکن لەگەل دەورووبەر دابەشکراون.

بەڕێوەبەری ئاماری هەولێر ئاماژەی بەوەشکرد، ستافەکە پێکهاتوون لە بەڕێوبەر، یاریدەدەری بەڕێوەبەر، توێژەر و بژمێر، توێژەر و بژمێرەکەنا بە پارەی خولەکەیانەوە 330 هەار دینار وەردەگرن بەڵام بەرێوەبەر و یاریدەدر 250 هەزار دینار وەردەگرن.

زیاتر روونی کردەوە، بەڕێوبەر لە مانگی 8ـەوە بۆی حسابە، یاریدەدر لە مانی 9ـەوە و توێژەر و بژمێرەکان لە مانگی 11ـەوە بۆیان هەژمار کراوە.

کەسی وەرگر دەبێت خۆی ئامادەبێت و ئەم بەڵگانە لەگەڵ خۆی بەرێت:

– ئەستۆپاکی پێدانەوەی تابلێت.

– کۆپی پێناسی باری شارستانی یان کارتی نیشتمانی.

بژمێرەکانی سەرژمێری لە هەرێمی کوردستان داوای دامەزران...

بژمێرەکانی سەرژمێری لە هەرێمی کوردستان داوای دامەزراندن دەکەن