وێنەی هەرسێ گشتاندنەکەی وەزارەتی کار... گرافیک؛ 964+
"ئه‌گه‌ر به ویستى خۆیان نه‌بێت"
وه‌زاره‌تى كار چاوپێكه‌وتنى سزادراو و منداڵى خانه‌كان و به‌ساڵاچوانى له میدیاكان قه‌ده‌غه كرد
964+
فه‌رهاد حه‌سه‌ن
وه‌زاره‌تى كار و كاروبارى كۆمه‌ڵایه‌تى له رێگه‌ى سێ گشتاندنه‌وه كارى میدیاكان له‌نێو به‌ڕێوه‌به‌رایه‌تییه‌كانى چاكسازی و چاودێری و گه‌شه‌پێدانى كۆمه‌ڵایه‌تى له هه‌رێمى كوردستان قه‌ده‌غه كرد.
به‌پێی گشتاندنه‌كان كه ئه‌مڕۆ چوارشه‌ممه 15.1.2025 به واژۆى كوێستان محه‌مه‌د وه‌زیرى كار ده‌رچووه، ئاماژه به‌وه‌كراوه، كه به‌هیچ شێوه‌یه‌ك رێگه نادرێت كه‌یسی سزادراوانى چاكسازییه‌كان و خانه‌كانى به‌ساڵاچوان و منداڵانى ناوخانه‌كان له كه‌ناڵه‌كانى راگه‌یاندن نیشان بدرێن و چاوپێكه‌وتنیان له‌گه‌ڵدا ئه‌نجام بدرێت.
ئه‌گه‌ر هه‌ریه‌ك له‌مانه‌ى سه‌ره‌وه به ویستى خۆیان بێت كه چاوپێكه‌وتن بكه‌ن یان نیشان بدرێن، پێویسته به نوسراو و واژۆی ئه‌م كه‌سه ئه‌نجام بدرێت، به‌پێچه‌وانه‌وه رێكارى كارگێڕی و یاسایی ده‌گرنه به‌ر.
وه‌زاره‌تى كار ئه‌وه‌شی قه‌ده‌غه كردووه كه هونه‌رمه‌ند، رۆژنامه‌نووس و كه‌سایه‌تى ناو سۆشیاڵ میدیا به‌مه‌بەستى ریكلامكردن و بانگه‌شه‌ى كه‌سیی ناتوانن له‌ناو خانه‌كان ڤیدیۆ بگرن و بڵاویبكه‌نه‌وه.
70 سزادراوى ناو چاکسازییەکانى هەرێم خوێندکارى زانکۆ و پەیمانگان
