قەزاى سەیدسادق...
بۆ تازە بووک و زاواکانى سەیدسادق
لەمڕۆوە بچن کارتى نەوت دەربهێنن
964+
وریا فەتاح
فەرمانگەى دارایى سەیدسادق ئاگادارى هاوڵاتیان و تازە بووک و زاواکانى سنوورەکەى دەکاتەوە، ئەوانەى تائێستا فۆڕمى خۆراکیان نییە، لەمڕۆوە سەردانیان بکەن بۆ دەرهێنانى کارتى نەوت.
بەپێى ئاگادارى فەرمانگەکە بێت، بەهۆی راگرتنی ئیشوکارەکـانی دروستکردنی پسـوڵەی خۆراک، ئەو کەسانەى کە تا ئێستا (فۆڕمی خۆراک)یان بۆ دروستنەکراوە، دەتوانن لە ئەمڕۆ 14ـى کانوونى دووەمى 2025ـەوە سـەردانی فەرمانگەی دارایی سەیدسادق بکـەن بـۆ دروستکـردنـی کارتى نەوت.
دەشڵێت: پێویستە لەکاتی سەردانیکردن ئەم پێداویستیانە لەگەڵ خۆیان ببەن:
یەکەم: کۆپی گرێبەستی هاوسەرگیری عقد زواجی دادگا.
دووەم: کۆپی فۆڕمی خۆراکی ماڵی باوکی کوڕ و کچ.
سێیەم: کۆپی کارتی نیشتمانی یان پێناسی کوڕ و کچ.
