بنكەی تەندروستیی شاخۆڵان، سەر بە تەندروستیی خەبات
تەندروستیی خەبات:
زۆربەی سەردانیكەرانی نەخۆشخانەكانی خەبات كێشەی هەناسەیان هەیە
964+
ئەرسەلان عەبدوڵا
بە پێی ئامارێک كە تەندروستیی خەبات بڵاویكردووەتەوە، لە ساڵی 2024 زۆرترین ئەو هاوڵاتییانەی سەردانی بنكە تەندروستییەكانی سنوورەكەیان كردووە، كێشەی كۆئەندامی هەناسەیان هەبووە، دواتر نەخۆشییەكانی قوڕگ و لووت و گوێ دێت.
ئەمڕۆ دووشەممە 13.1.2025 بەڕێوەبەرایەتیی تەندروستیی قەزای خەبات، ئاماری پێشکەشکردنی خزمەتگوزاری تەندروستی لە سنووری بەڕێوەبەرایەتییەكەی بۆ ساڵی (2024) بڵاوكردەوە.
لە ئامارەكەدا هاتووە، لە ساڵی 2024 لە گشت بنکە تەندروستییەکانی سنووری تەندروستیی خەبات، بە کۆی گشتی ( 230،581 ) هەزار سەردانیکەر بینراون و خزمەتگوزاری تەندروستی پێویستیان لە گشت بوارەکان پێشکەش کراوە.
بە پێی ئامارەكە دەردەكەوێت، نەخۆشییەكانی كۆئەندامی هەناسە زۆرترینە لە نێوان ئەو هاوڵاتییانەی، كە لە سنوورەكە سەردانی نەخۆشخانەكەیان كردووە، كە 102 هەزار و 108 سەردان بووە.
ئامارەكە بە گشتی بەم جۆرەیە:
بەشی کۆئەندامی هەرس ٤٠,١٢٤
بەشی کۆئەندامی هەناسە ١٠٢,١٠٨
قورگ و گوێ و لووت ٧٧,٠٩٦
نەخۆشیەکانی ئافرەتان ٧,٩٦٨
کۆئەندامی میزەڕۆ ٣٠١,٠٨٤
نەخۆشی شەکرە ٧,١٢٨
نەخۆشی فشاری خوێن ٩,٥٤٤
ئێسک و شکان ٢٣,٧١٢
نەخۆشیەکانی پێست ٢٣,٤٣٢
نەخۆشییەکانی چاو ٧,٩٠٨
نەخۆشییەکانی خوێن ٥,٢٥٢
پشکنینی تاقیگە ٧١,٢٧٨
بەشی ددان ١٥,٦٧٠
سۆناری ئافرەتی دووگیان ٤,٩١٠
سۆناری گشتی ٩,٧٢٢
بەشی تیشك ٩,٥٩٦
هێڵکاری دڵ ٢,٩٦٨
