وێنە: سەرۆکایەتی شارەوانی رانیە
سکاڵاکارەکەش
فەرمانبەرێکی شارەوانی رانیە دەستگیرکرا
964+
ژێوار خدر
لە دوێنێوە دەنگۆی دەستگیرکردنی فەرمانبەرێکی شارەوانی رانیە لە تۆڕە کۆمەڵایەتییەکانى سنوورەکە بڵاوبووەتەوە، ئەوەی ئەوان باسی دەکەن گوایە کەسەکە لەسەر دۆسییەیەکی گەندەڵی دەستگیرکراوە، بەڵام سەرچاوەیەک لە شارەوانی رانیە دەڵێت، هۆکاری دەستگیرکردنەکەی روون نییە.
سەرچاوەیەکى بەرپرس لە شارەوانی رانیە هەواڵەکەی بۆ 964 پشتڕاستکردەوە و وتی، “راستە ئەو کەسەی دەستگیرکراوە، فەرمانبەرە لە بەشی نەخشەی بنەڕەتی شارەوانی رانیە، لەسەر سکاڵاى کەسێک لەلایەن پۆلیسەوە دەستگیرکراوە، بەڵام نازانین هۆکاری دەستگیرکردنەکەی چییە.”
“سکاڵاکە لەلایەن کەسێکەوە تۆمارکراوە کە لە دەرەوەى شارەوانییە و ئەویش لەلایەن پۆلیسەوە دەستگیرکراوە”، ئەو سەرچاوەیە واى وت.
تائێستا 964 نازانێت هۆکارى دەستگیرکردنى ئەو فەرمانبەرەى شارەوانى رانیە پەیوەندى بە چ دۆسییەیەکەوە هەیە، شارەوانیش بە فەرمى هیچ شتێکى لەسەر ئەو بابەتە بڵاو نەکردووەتەوە.
