دیمەنی پڕۆژەی هایدرۆپۆنیک لە زانکۆی سلێمانی وێنە: ڤیم فاوندەیشن
بەرهەمی کشتوکاڵی بێ خاک بەرهەم دەهێنن
کۆلێژی کشتوکاڵی سلێمانی پڕۆژەی هایدرۆپۆنیکی دەستپێکرد
964+
ژێوار خدر
زانکۆی سلێمانی بە هاوبەشی ڤیم فاوندەیشن پڕۆژەی هایدرۆپۆنیکی لە کۆلێژی زانستە ئەندازیارییە کشتوکاڵییەکان کردەوە، کە پڕۆژەیەکە بێ بوونی خاک بەرهەمی کشتوکاڵی بەرهەم دەهێنێت.
ڤیم فاوندەیشن ئەمڕۆ سێشەممە 1.7.2025 رایگەیاند، کە پرۆژەی هایدرۆپۆنیک (چاندنی ئاوی – بێ خاک)، لە کۆلێژی زانستە ئەندازیارییە کشتوکاڵییەکان، لە کەمپی بەکرەجۆ بەڕێوەچووە.
دەشڵێت، پڕۆژەکە پڕۆژەیەکی هاوبەشی دامەزراوەکە و زانکۆی سلێمانییە، کە تیایدا بەرهەمی کشتوکاڵی بێ خاک بەرهەم دەهێندرێت، بە کەمترین رێژەی ئاو و رووبەرێکی کەمیشی دەوێت.
روونیشێکردووەتەوە، ئامانج لە دروستکردنی پڕۆژەکە، جگە لە بەرهەمهێنانی بەروبوومی کشتوکاڵی بە کوالێتییەکی باش، دەیانەوێت پڕۆژەکە ببێتە سەنتەر و ناوەندێک بۆ توێژینەوە زانستییە کشتوکاڵییەکان، لەلایەن توێژەران و خوێندکاران و چینە جیاوازەکانی کۆمەڵگەوە.
