مۆلیدەی ئەهلی - social midia
لە سلێمانى
نرخى ئەمپێرێک کارەباى مۆلیدە بۆ مانگى رابردوو دیاریکرا
964+
وریا فەتاح
نرخى ئەمپێرێک کارەباى مۆلیدە لە ناو شارى سلێمانى بۆ مانگى رابردوو، لە نێوان 14 بۆ 15 هەزار دینارە و هاوڵاتیانى شارەکەش لە ساڵى رابردوودا بۆ هەر ئەمپێرێک لانیکەم 135 هەزار دیناریان داوە.
بەڕێوەبەرایەتیى کارەباى سلێمانى ئەمڕۆ شەممە 4.1.2025 بڵاوى کردەوە، مۆلیدە ئەهلییەکانى سلێمانى، لە مانگى 12ـى 2024، بە تێکڕا لە نێوان 335 بۆ 350 کاتژمێر کاریان کردووە، نرخى هەر کاتژمێرێک کارەباى مۆلیدەش بۆ یەک کاتژمێر بە 43 دینار دیاریکراوە.
وەک روونیان کردووەتەوە، کرێى یەک ئەمپێر کارەباى مۆلیدە بۆ ئەو مانگە لە ناو شارى سلێمانى لە نێوان 14 بۆ 15 هەزار دینار، دیاریکراوە.
سەبارەت بەو مۆلیدانەى کە بەرنامەى کارکردنیان لەسەر داواى هاوڵاتیان لە شوێنەکانى دیکە زیاتر بووە و لە 7 بۆ 1ـى شەو کاردەکەن، نرخى ئەمپێرێک کارەبایان لە نێوان 18 بۆ 19 هەزار دینار بووە.
کارەباى سلێمانى روونیشى کردووەتەوە، کە خشتەى کارپێکردنى مۆلیدەکان لەم مانگەوە گۆڕانکارى بەسەردادێت بەم شێوەیە:
رۆژانە لە کاتژمێر 12:00ـی نیوەڕۆ تا 1ـی شەو کاردەکەن.
کاتژمێر 1ـی شەو دەکوژێتەوە تا 6:30ـی بەیانی.
کاتژمێر6:30ـى بەیانی تا 8:00ـى بەیانی کاردەکەن.
بۆ ئەم مانگە رۆژانی هەینی و شەممەش موەلیدەکان بەیانیان کاردەکەن و بەرنامەکەش لە سبەینێ یەکشەممەوە جێبەجێ دەکرێت.
کرێى ئەمپێرێک کارەباى مۆلیدە بۆ مانگەکانى ساڵى 2024 بەم شێوەیە بووە.
مانگى 1ـى 2024، نرخى یەک ئەمپێر کارەباى مۆلیدە لە نێوان 13.500 بۆ 23.500 دینار بووە.
مانگى 2ـى 2024، نرخى یەک ئەمپێر کارەباى مۆلیدە لە نێوان 12 بۆ 20 هەزار دینار بووە.
مانگى 3ـى 2024، نرخى یەک ئەمپێر کارەباى مۆلیدە لە نێوان 15.500 بۆ 17 هەزار دینار بووە.
مانگى 4ـى 2024، نرخى یەک ئەمپێر کارەباى مۆلیدە لە نێوان 7.500 بۆ 8.500 دینار بووە.
مانگى 5ـى 2024، نرخى یەک ئەمپێر کارەباى مۆلیدە لە نێوان 6.250 بۆ 7.500 دینار بووە.
مانگى 6ـى 2024، نرخى یەک ئەمپێر کارەباى مۆلیدە لە نێوان 10 بۆ 15 هەزار دینار بووە.
مانگى 7ـى 2024، نرخى یەک ئەمپێر کارەباى مۆلیدە لە نێوان 15 بۆ 16 هەزار دینار بووە.
مانگى 8ـى 2024، نرخى یەک ئەمپێر کارەباى مۆلیدە لە نێوان 16 بۆ 17 هەزار دینار بووە.
مانگى 9ـى 2024، نرخى یەک ئەمپێر کارەباى مۆلیدە لە نێوان 11 بۆ 12 هەزار دینار بووە.
مانگى 10ـى 2024، نرخى یەک ئەمپێر کارەباى مۆلیدە لە نێوان 7 بۆ 8 هەزار دینار بووە.
مانگى 11ـى 2024، نرخى یەک ئەمپێر کارەباى مۆلیدە لە نێوان 9 بۆ 10 هەزار دینار بووە.
مانگى 12ـى 2024، نرخى یەک ئەمپێر کارەباى مۆلیدە لە نێوان 14 بۆ 15 هەزار دینار بووە.
بەگشتى کرێى کارەباى مۆلیدە لە هەموو هەرێمى کوردستان، ئەگەر وەک یەکیش نەبێت نزیکە لەیەکەوە، بۆیە دەکرێت ئەو داتایەى سلێمانى بە نزیکەیى بکرێت بە پێوەرى کرێى کارەباى مۆلیدەى ساڵى 2024 بۆ هەموو ناوچەکانى کوردستان.
