وێنەی ونبووەکە ... گرافیک؛ 964+
نه‌خۆشی له‌بیرچوونه‌وه‌ى هه‌یه
له دوێنێ ئێواره‌وه پیاوێكى ته‌مه‌نى 74 له‌هه‌ولێر ونبووه
964+
فه‌رهاد حه‌سه‌ن
له دوێنێ ئێواره‌وه پیاوێكی ته‌مه‌ن 74 ساڵ له‌هه‌ولێر ونبووه، برابچووكه‌كه‌ى ده‌ڵێت نه‌خۆشی بیرچوونه‌وه‌ى هه‌یه و پێشتریش جارێك ونبوبوو.
ونبووه‌كه ناوى عه‌زیز سلێمان عه‌زیزه.
جه‌لیل سلێمان، براى ونبووه‌كه به 964ـى وت، له‌دوێنێ ئێواره‌وه له‌ماڵ ده‌رچووه و نازانن بۆ كوێ چووه پۆلیسیشیان ئاگادار كردووه‌ته‌وه به‌ڵام تاوه‌كو ئێستا نه‌دۆزراوه‌ته‌وه.
وتیشی “به‌هۆى ئه‌وه‌ى نه‌خۆشی زه‌هایمه‌رى هه‌یه ساڵێك له‌مه‌وبه‌ر جارێكی دیكه ونبوبوو دواتر كاتژمێر 3:00ـى به‌ره‌به‌یان له پۆلیسی ئازادى تە‌لوفۆنیان بۆ كردووین و هێنامانه‌وه”.
ئاماژه به‌وه‌ده‌كات، به‌هۆى نه‌خۆشییه‌كه‌یه‌وه پێشتر بردویانه‌ته لای لیژنه‌یه‌كی ده‌روونى له نه‌خۆشخانه‌ى كۆمارى، به‌ڵام پێیان وتوون پێویست به وه‌رگرتنى چاره‌سه‌ر ناكات و پێویسته ئاگادارى بن.
كێشه‌ى ئه‌م پیاوه وه‌ك براكه‌ى ده‌ڵێت ئه‌وه‌یه، كه بچێته ده‌ره‌وه‌ى ماڵ نازانێت بگه‌ڕێته‌وه و ناشتوانێت ماڵ پێبزانێته‌وه جاری یه‌كه‌میش كه ونبوبوو هه‌مان حاڵه‌تى هه‌بوو.
كه‌سوكاره‌كه‌ى ئه‌م ژماره موبایله‌یان بڵاوكردووه‌ته‌وه بۆ ئه‌وه‌ى له‌هه‌ر شوێنێك كه‌سه ونبووه‌كه‌یان بینى په‌یوه‌ندیان پێوه بكرێت؛
07504040933
07810398252