وێنە؛ بەڕێوەبەرایەتی پاسپۆرتی هەولێر.
تا یەک ساڵی دیکە
داشکاندن لە کرێی ڤیزای چین درێژکرایەوە
964+
ژووری هەواڵ
کونسوڵخانەی چین لە هەولێر ئەو وادەیەی درێژکردەوە کە بۆ داشکاندن لە کرێی ڤیزا بۆ هاوڵاتیانی هەرێمی کوردستان و عێراق دیاریی کردبوو، هەر کەسێک پاسپۆرتی عێراقی هەبێت و بیەوێ سەردانی چین بکات نرخی ڤیزای بۆ کەمدەکرێتەوە.
لە راگەیەندراوێکدا کونسوڵخانەی چین لە هەولێر بڵاویکردەوە، بە مەبەستی ئاسانکاریی ئاڵوگۆڕی بازرگانی و سەردانیکردنی خەڵکی بیانی بۆ وڵاتی چین، داشکاندنی لە کرێی ڤیزای تا کۆتایی ساڵی 2025 درێژکردەوە و هەر هاوڵاتییەک ویستی هەبێت سەردانی چین بکات، تا 31.12.2025 سوودمەند دەبێت لە داشکاندن.
رسوماتی وەرگرتنی ڤیزای چین بۆ هەڵگری رەگەزنامەی عێراقی بەم شێوەیەیە:
رۆیشتن بۆ چین بۆ یەک جار؛ 38 دۆلار، هەروەها رۆیشتن بۆ چین بۆ دوو جار؛ 56 دۆلار
بۆ چەند جارێک و بۆ ماوەی شەش مانگ؛ 75 دۆلار
بۆ چەند جارێک و بۆ ماوەی ساڵێک؛ 113 دۆلار
باڵیۆزخانەی چین لە عێراق ئەم ژمارە تەلەفۆن و ئیمەیڵەی بڵاوکردووەتەوە بۆ زانیاری و وەرگرتنی ڤیزا:
[email protected]
+964-0662103907
