کارگەى دروستکردنى کارتى نیشتمانى بە رەنگاورەنگ...وێنە: وەزارەتى ناوخۆى عێراق
لە کۆى 45 ملیۆن
42 ملیۆن عێراقى کارتى نیشتمانیان هەیە
964+
وریا فەتاح
فەرمانگەى کارتى نیشتمانى عێراق ئاشکراى دەکات، لە کۆى 45 ملیۆن و 10 هەزار هاوڵاتى عێراقى، 42 ملیۆن هاوڵاتى کارتى نیشتمانیان دەرهێناوە و پلانیشیان هەیە لە باڵیۆزخانەکانى عێراق لە 25 وڵات، بەشى تایبەت بە دەرهێنانى کارتى نیشتمانى بکەنەوە.
نزیکەى 3 ملیۆن و 300 هەزار عێراقى کارتى نیشتمانیان نییە.
ئەحمەد مەعمورى، بەڕێوەبەرى گشتیى فەرمانگەى کارتى نیشتمانى عێراقى بە ئاژانسى دەنگوباسى عێراقى وتووە،” لە چوارچێوەى ئەو پلانەى لەگەڵ وەزارەتى دەرەوە گرتویانەتەبەر، دەیانەوێت لە 25 وڵاتدا نووسینگە و وێستگە بکەنەوە بۆ دەرهێنانى کارتى نیشتمانى بۆ هاوڵاتیانى عێراق.
وەک باسى دەکات، تائێستا لە نەمساو ئەڵمانیا و بەریتانیا و ئێران نووسینگەیان کردووەتەوە و ژمارەى سەردانیکەرانیش بۆ بەشتى کارتى نیشتمانى لەو باڵیۆزخانانە گەیشتووەتە نزیکەى شەش هەزار هاوڵاتى.
هەروەک ئاشکراى کردووە، لە کۆى 45 ملیۆن و 10 هەزار هاوڵاتى، 42 ملیۆن عێراقى کارتى نیشتمانى یەکگرتوویان دەرهێناوە.
