لە ساڵی 2024ـدا زیاتر لە 39 هەزار منداڵ لە کەرکوک لە دایکبوون

964+

توانا نەقی

ئامارەکانی ساڵی 2024ـی تەندروستی کەرکوک هەمووی ژمارەی گەورەن و هەرلە منداڵبوونەوە کە 39 هەزاری تێپەڕاندووە و هەروها شێرپەنجەش کە زیاتر لە هەزار کەس تۆمار کراون.

ئەمڕۆ پێنجشەممە، تەندروستی کەرکوک بڵاویکردەوە، لە ماوەی ساڵی 2024ـدا پێشوازییان کردووە لە زیاتر لە دوو ملیۆن نەخۆش لەو رێژەیەش 466 هەزار و 254 نەخۆش بەشدارییان لە راوێژکارییەکاندا کردووە.

بەڕێوەبەری گشتی تەندروستی پارێزگای کەرکوک دکتۆر ئارجان محمد رایگەیاند، لە ماوەی ئەم ساڵەدا 39 هەزار و 284 منداڵ لەدایکبوون.

سەبارەت بە ئاماری نەخۆشیەکانی شێرپەنجە و خوێن ئاماژەی بەوەکردووە، لە ماوەی ئەم 12 مانگەدا 1276 تووشبووی شێرپەنجە لە کەرکوک تۆمارکراوە، 1628 تووشبووی نەخۆشیەکانی خوێن تۆمار کراون.

بەڕێوبەری تەندروستی کەرکوک دەڵێت، بەردەوام دەبن لە پێشکەشکردنی خزمەتگوزاری بەتایبەت بۆ توشبووانی شێرپەنجە و هەوڵیش دەدەن لە ساڵی 2025 ئەو نەخۆشخانە 400 قەرەوێڵەیەی کە لە قۆناغی دروستکردندایە تەواو بکرێت.

تەندروستی کەرکوک رەتیدەکاتەوە کەس لە شارەکەی تووشی ئیبۆلا بووبێت