تابلۆیان لێکردووەتەوە
لە هەولێر چەند ئۆتۆمبێلێک دەستیان بەسەردا گیرا
964+
توانا نەقی
درەنگانی شەوی رابردوو مەفەرەزەکانی هاتوچۆی ناوشار هەستان بە دەست بەسەر داگرتنی سێ ئۆتۆمبێل کە تابلۆی ژمارەکانیان لێکردبووەوە و بەبێ تابلۆ لە شەقام هاتووچۆیان دەکرد و دەسووڕانەوە.
هاتوچۆی هەولێر بڵاویکردەوە، ئەو سێ ئۆتۆمبێلە دەستیان بەسەردا گیراوە، هەر شوفێرێکیش دەسکاری ژمارەی تابلۆی ئۆتۆمبێلەکە بکات یان لێی بکاتەوە سزا دەدرێت.
هاتوچۆ ئاماژەی بەوەشکردووە، هەر کۆمپانیایەکی فرۆشتنی ئۆتۆمبێل، ئۆتۆمبێلی ژمارەی کاتی بەبێ تابلۆ رادەستی کڕیار بکات ڕێکاری یاسایی لەبەرامبەر دەگیرێتە بەر و سزای دارایی دەدرێت.
