بە زیاتر لە 111 ملیۆن دینار
کارەبای سلێمانی گوندی مووچەی هەڵوژانی رووناک کردەوە
964+
شۆڕش قادری
بەڕێوەبەرایەتی کارەبای سلێمانی، بە زیاتر لە 111 ملیۆن دینار، گوندێکی دیکەی لە سنووری شارباژێر رووناک کردەوە و دڵی دانیشتووانەکەی خۆش کرد.
سیروان محەمەد وتەبێژی بەڕێوەبەرایەتی کارەبای سلێمانی بە 964ـی وت، “بە گوژمەی 111 ملیۆن و 445 هەزار و 750 دینار کارەبا بۆ گوندی مووچەی هەڵوژان لە سنووری شارباژێر سەر بەقەزای ماوەت راکێشراوە.”
“ماوەی پڕۆژەکە 60 رۆژە و لە 6.10.2024 دەستیپێکردووە و تائێستا 97٪ـی کارەکانی تەواو بووە”، سیروان محەمەد وای وت.
ئاماژەی بەوەشکرد، پڕۆژەکە لەلایەن کۆمپانیای (یاتای) جێبەجێ کراوە و لە پڕۆژەکەدا 85 عەمودی 11 مەتری و نۆ مەتری بەکارهاتوون.
کارمەندانی بەڕێوەبەرایەتیی دابەشکردنی کارەبای سلێمانی شەو و رۆژیان نەماوە
