دوو دیمهنى كۆكردنهوهى ئهو دارانهى یهكێك له داربڕهكان بڕیبوونى... وێنه: دارستان و ژینگهى سۆران.
سێ پیكاب دارى تهڕیان بڕیوه
له سیدهكان داربڕێك دهستگیركرا و دوانی دیكهش نهكهوتوونهته دهست پۆلیس
964+
فهرهاد حهسهن
پۆلیسى دارستان و ژینگهى سیدهكان كهسێكیان دهستگیركرد و وتیان داری بڕیوه، ههر به تهنیا ئهو كهسه نییه بهڵكو دهڵێن دوو كهسی دیكهشیان لهگهڵن، بهڵام جارێ ئهوانیان دهستگیر نهكردووه و بهدوایاندا دهگهڕێن.
داربڕهكان دارهكانیان له سنوورى گوندى كهژهك بڕیوه، كه دهكهوێته ناوچه سنووریهكان له قهزاى سیدهكان.
عهدنان ئهحمهد، بهرپرسی بنكهى دارستان و ژینگهى سیدهكان به 964ـى وت، داربڕهكان سێ كهسن و ههریهكهى پیكابێك داری تهڕیان نزیكهى 15 رۆژ پێش ئێستا بڕیوه و دهیانویست بیگوازنهوه و یهكێك لهوان دهستگیركراوه.
وتیشی، “بههۆى ئهوهى سیدهكان دادگاى لێ نییه، ئهوانهى سهرپێچی له بهرامبهر ژینگه دهكهن سزاى پێبژاردنیان بۆ دهكرێت و دواتریش ئازاد دهكرێن”.
سهبارهت به دوو كهسهى دیكهش یهكێكیان لهلای پۆلیس ژینگه ناسراوه و بهدوایهوهن، تا دهستگیری بكهن، بهڵام كهسی سێیهمیان نادیار و نهناسراوه.
بهرپرسی بنكه ئاماژه بهوهدهكات، ئهو دارانهى له داربڕهكان دهستى بهسهردا دهگرن، دواى كۆكردنهوهى بڕێكی زۆر دواتر له رێگهى دادگاوه له زیادكردنى ئاشكرا دهیانفرۆشنهوه.
سێ داربڕ دوو تراكتۆر داری تهڕیان له سنوورى بهمۆ بڕیوه
