لیژنە هاوبەشەکان سێ هەزار کارتۆن شەربەتی خراپ بوو لەناو دەبەن وێنە: قایمقامیەتی چەمچەماڵ
خاوەن کۆگایەک لە چەمچەماڵ
بڕی سێ هەزار کارتۆن شەربەتی خراپ بووی رادەستی لیژنەکانی کرد
964+
ژێوار خدر
خاوەن کۆگایەک بڕی سێ هەزار کارتۆن شەربەتی رادەستی لیژنە هاوبەشەکان قایمقامیەتی چەمچەماڵ کرد، بەهۆی کۆگاکردن و گواستنەوەی بە شێوەیەکی ناتەندروست، خراپ ببوون.
قایمقامیەتی قەزای چەمچەماڵ ئەمڕۆ سێشەممە 17.12.2024 رایگەیاند، خاوەنی کۆگایەک بڕی سێ هەزار کارتۆن شەربەتی خراپبوو، کە زیاتر لە 21 تۆن بووە، رادەستی لیژنە هاوبەشەکانی قایمقامیەتی چەمچەماڵی کرد و لەناوبرا.
دەشڵێت، بەهۆی گواستنەوە، هاوردەکردن و کۆگاکردنی ئەو بارە شەربەتە لە دەرەوەی وڵات بە شێوەیەکی ناتەندروست بۆ کۆگاکە، خراپ بووە و تێکچووە.
لیژنەکەی قایمقامییەتی، دەستخۆشی لە خاوەنت کۆگاکە کردووە، لە بەرامبەر هەستکردنی بە بەرپرسیارێتی بۆ پاراستنی تەندروستی هاوڵاتییان و داواشی لە خاوەن کۆگا و کارگە و شوێنە گشتییەکانی دیکە کردووە، لەکاتی بوونی گومان لە هەر شمەکێکی خراپ و بەسەرچوو پێش سەردانی کردنیان لێژنەکانیان لێ ئاگاداربکەنەوە.
