بەشێک لە نافورەکانی هەولێر نۆژەنکرانەوە

964+

ئەرسەلان عەبدوڵا

شارەوانیی هەولێر رایگەیاند، چەند نافورەیەكیان لە ناو هەولێر چاككردووەتەوە و بەتەمان چەند دانەیەكی دیكەش چاكبكەنەوە.

سەرۆکایەتیی شارەوانیی هەولێر ئەمڕۆ هەینی 13.12.2024 بڵاویكردەوە، كاریان لەسەر چاككردنەوەی چەند نافورەیەك لە ناو هەولێر كردووە، لەوانە نافورەكانی لای بینای پارێزگا و قایمقامیەت لە سەنتەری شار، هۆڵی میدیا، چوارڕیانی مامز و مزگەوتی سەواف و یەك دوانێكی دیكە.

“كارەكان بە مەبەستی بەخشینی سیمایەکی جوانتر و سەرنجڕاکێشە بە شەقامەكانی هەولێر ئەنجامدراون، کارەکانیش لەلایەن تیمەکانی بەڕێوەبەرایەتیی ئەندازەی پارک و باخچەکان وەک قۆناغی یەکەم جێبەجێکراوە و کاری نۆژەنکردنەوەیان بۆ كراوە”، شارەوانیی هەولێر وادەڵێت.

ئەوەشیان باسكردووە، بڕیار وایە لە رۆژانی داهاتوودا چەندین نافورەی دیکەی هاوشێوە لە شەقامە گشتی و پارک و باخچەکان نۆژەن بكرێنەوە و بەكاربخرێنەوە.