وێنە: کۆمپانیای مێتا
فەیسبووک و ئینستاگرام کێشەیان تیادایە
مێتا کێشەی تەکنیکی تێکەوتووە
964+
توانا نەقی
نزیکەی دوو کاتژمێر دەبێت سێرڤەرەکانی کۆمپانیای مێتا کێشەی تەکنیکیان تێکەوتووە و فەیسبووک، ئینستاگرام و واتسئاپ لە زۆربەی شوێنەکان کارناکەن و ناتوانرێت پۆستیان تیادا بکرێت.
کۆمپانیای مێتا خۆی لە راگەیندراوێکدا ئاماژەی بە کێشەکە کردووە و دەڵێت، ئەپەکانی فەیسبووک و ئینستاگرام کێشە لە سێرڤەرەکانیدا هەیە و بەکارهێنەرانی ناتوانن خزمەگوزاریەکانی بەکاربهێنن.
ئاماژەی بەوەشکردووە، کۆمپانیاکەیان ئاگادارن لەو کێشەیەی کە هەیەو تیمەکانیان سەرقاڵی چارەسەرکردنی کێشە تەنیکییەکەن و داوای لێبووردن لە بەکارهێنەرانیان دەکەن.
