ژن و مێردێکی گوندنشین لە کاتی جووتیاری هەر یەکە و قاچێکی لەدەستداوە فۆتۆ: ژوولی عەدنان
پاککراونەتەوە لە مین
لە سنووری چوارتا پێنج پارچە زەوی رادەستی خاوەنەکانیان کرانەوە
964+
ژوولی عەدنان
پێنج پارچەزەوی پاککراوە لە مین رادەستی کۆمەڵێک جووتیاری شارۆچکەی چوارتاکرا، دوای ساڵانێک چاوەڕوانی ئێستا بە دڵنیایی دەتواننن زەوییەکانیان بچێنن.
لە راگەیاندراوێک بەڕێوەبەرایەتی گشتی کاروباری مینی سلێمانی هاتووە کە ” پێنج پارچە زەوی کە پێشتر کێڵگەی مین بوون بە ناوەکانی: بابەشەمس ، جێ مەکینەکە A، شیوی لالۆمەڕی ، زەوی سەلیم پەلی کەوەڵ و کونەگورگن .
لە راگەیاندراوەکەی دەزگای گشتی کاروباری مین باس لەوەکراوە کە زەوییەکان هی دوو گوندی کۆزی و ولیاوا لە شارەدێی زەلانی سەر بە شارۆچکەی چوارتان.
” رووبەری زەوییە پاککراوەکانیش 149 هەزار و 834 مەتر دووجایە و لەلایەن تیمەکانی بەڕێوەبەرایەتی گستی کاروباری مینی سلێمانی و رێکخراوی کۆمەڵەی ئامۆژگاری مین MAG پاککراونەتەوە” راگەیاندراوەکەی دەزگای گستی مینی سلیمانی وادەڵێت.
لە کوێستانەکانی مێرگەدرێژانی گوندی زینوە مین بە شوانێک دەقێتەوە و دەیکوژێت
