کۆتا رۆژى هەفتەى بازاڕى نەوتە
گرژییەکانى سوریا بەردەوامە و نرخى نەوتیش هەر رووى لە دابەزینە
964+
وریا فەتاح
گرژیى و پەرەسەندنەکانى سوریا بەردەوامە و نرخى نەوتیش بەردەوامە لە دابەزین، ئەمڕۆ کە کۆتا رۆژى هەفتەیە بۆ بازاڕى نەوت نرخەکەى بە 71 دۆلار و شتێک مامەڵەى پێوە دەکرێت.
ئەمڕۆ شەممە 7.12.2024 نرخی یەك بەرمیل نەوتی خاوی برێنت لە بازاڕی جیهانیدا بە 71 دۆلار و 12 سەنت مامەڵەى پێوە دەکرێت و بە رێژەى 0.97 سەنت دابەزیوە.
هەروەها نرخی یەك بەرمیل نەوتی سووكی تێكساس بە 67 دۆلار و 20 سەنت مامەڵەی پێوە دەکرێت و یەک دۆلار و 10 سەنت دابەزیوە.
گرژییەکانى رۆژهەڵاتى ناوەڕاست و دۆخى سوریا بە تایبەت رەنگە یەکێک بن لە هۆکارەکانى دابەزینى نەوت، ئەوە جگە لەوەى خواستى چین لەسەر بەرهەمى نەوت رووى لە کەمییە، یەکێکى دیکەش لە هۆکارەکان بەرزى بەرهەمهێنانى نەوتە بە قەبارەیەکى زۆر.
