کارکردن لە پڕۆژەی ئیفراز یەک وێنە: ئاوی هەولێر
بەشێك لە بۆریە گوێزەرەوەکەی دەگۆڕدرێت
پڕۆژەی ئاوی ئیفراز یەک بۆ ماوەی 24 کاتژمێر رادەگیرێت
964+
ژێوار خدر
بەشێك لە بۆری گوێزەرەوەی پڕۆژەی ئاوی ئیفراز یەك دەگۆڕدرێت و بەهۆشییەوە لەمڕۆوە بۆ ماوەی 24 کاتژمێر پڕۆژەی ئاوەکە رادەگیرێت.
بەڕێوەبەرایەتی ئاوی هەولێر راگەیاندراوێکی بڵاوکردووەتەوە و دەڵێت، بەهۆی تێکچوون و لێچوونێکی زۆر لە بۆری گوێزەرەوەی ئاوی ئیفراز یەك، بەشێك لە بۆری گوێزەرەوەی ئاوی ئیفراز یەك گۆڕدرا.
دەشڵێت، لە ساڵی 1968ەوە ئەم هێڵە گوێزەرەوەیە دانراوەو ئێستاش بۆ رێگریکردن لە پیس بوونی ئاوەکە لە نزیک شاخۆلان لەلایەن تیمی چاککردنەوەی تۆڕەکانی بەڕێوەبەرایەتی ئاوی هەولێر و لەسەر بودجەی پارێزگای هەولێر، دەست کرا بە گۆڕینی بەشێکی ئەو بۆریە و هەروەها گۆڕینی خۆڵی چواردەوری کە بووبووە هۆی داخۆرانی بۆریەکە
روونیشیکردووەتەوە، بەم هۆیەوە لە ئەمڕۆ هەینی 6.12.2024ەوە بۆ ماوەی 24 کاتژمێر پڕۆژەی ئاوی ئیفراز یەك رادەگیرێت.
