وەزارەتی دارایی
تاوەکو ساڵی 2025
وەزارەتی دارایی زۆربەی خەرجییەکانی بەهۆی پشووی سەری ساڵ رادەگرێت
964+
ژووری هەواڵ
بەهۆی پشووەکانی سەری ساڵی نوێ و بەمەبەستی پاکتاوکردنی ژمێریارییەکان، وەزارەتی دارایی زۆربەی خەرجییەکان، جگە لە موچە و چەند خەرجییەکی دیکە، رادەگرێت.
ئەمڕۆ چوارشەممە 4.12.2024، وەزارەتی دارایی رایگەیاند، لە رێکەوتی 10.12.2024ـەوە بڕیار دەدات بە راگرتنی سەرجەم خەرجییەکان، جگە لە خەرجییەکانی موچە، پێشینە، خاوێنکردنەوە، پێداویستی پزیشکی و دەمان.
هاوکات، لە رێکەوتی 15.12.2024ـەوە تاوەکو ساڵی نوێ، سیستەمی ئەلیکترۆنی بەڕێوەبردنی دارایی کوردستان رادەگیرێت و ئامانج لەم راگرتنانەش یەکلاکردنەوەی ژمێرەکانە.
وەزارەتی دارایی داواش لە بەڕێوەبەرایەتی و دامودەزگاکان دەکات، لە سبەینێوە هیچ داواکارییەکی خەرجی ئاڕاستەی وەزارەتەکە نەکرێت.
