مێردمنداڵێکی بەحرکە شەش رۆژە نادیارە

+964

شۆڕش هەرکی – هەولێر

مێردمنداڵێکی دانیشتووی قەزای بەحرکە، ماوەی شەش رۆژە لە دوای گەڕانەوەی لە کار بێ خەبەرە و نەگەڕاوەتەوە، کەسوکارەکەشی سۆراغی دەکەن.

بارزان سدیق، باوکی مێردمنداڵەکەیە و بە 964ی وت، لە ئێوارەی رۆژی یەکشەممەی رابردووە 24.11.2024 لە دوای ئەوەی لەگەڵم لە کار گەڕایەوە، تائێستا بێ خەبەرە، کۆتاجار لە رێگای کامێرای چاودێرییەوە لە شەقامی 150مەتری لە هەولێر بیندراوە.

وەک باوکی دەڵێت، کوڕەکەی لە کۆمپانیایەکی کارگوزاری لەگەڵ خۆی کاردەکات و سەرجەم ئەو شوێنانەی ماڵی خزم و کەسوکاریان لێیەتی، لێی پرسیون، بەڵام نەبیندراوە و چارەنووسی نازانن.

مێردمنداڵەکە تەمەنی 16 ساڵە و ناوی رامین بارزانە، دانیشتووی قەزای بەحرکەی هەولێرە.

پێداچوونەوە: ئەرسەلان عەبدوڵا

نزیکەی 20 رۆژە پێشمەرگەیەک بێسەروشوێنە و چارەنووسی نادیارە