964+
دابەزى
ئاگربەست کاریگەرى گەورەى لەسەر نرخى نەوت دروست نەکرد
964+
وریا فەتاح
سەرەڕاى راگەیاندنى ئاگربەست لە لوبنان، بەڵام نرخى نەوت گۆڕانکارییەکى گەورەى بەسەردا نەهات و کەمێک دابەزى.
ئەمڕۆ چوارشەممە 27.11.2024، نرخی یەك بەرمیل نەوتی خاوی برێنت لەگەڵ کردنەوەی بازاڕى جیهانیدا بە 72 دۆلار و 87 سەنت، مامەڵەى پێوە دەکرێت و بەڕێژەى 0.6% دابەزیوە.
هەروەها نرخی یەك بەرمیل نەوتی سووكی تێكساس بە 68 دۆلار و 81 سەنت مامەڵەی پێوە دەکرێت.
سەرەڕاى ئەوەى شەوى رابردوو ئاگربەست لە لوبنان راگەیەنرا و سەرۆک وەزیرانى ئیسرائیل پابەندى وڵاتەکەى بۆ دەربڕى، بەڵام لەگەڵ ئەوەشدا نرخى نەوت گۆڕانکارییەکى گەورەى بەسەردا نەهات و چەند سەنتێک دابەزیوە.
