لۆگۆی کەمپینەکە.
بۆ خۆپاراستنه لە ههڕهشهى ئەلیكترۆنی
له ههولێر كەمپەینی “سەلامەتی دیجیتاڵی” بۆ بەرەنگاربوونەوەی توندوتیژی دەستیپێكرد
964+
فهرهاد حهسهن
له ههولێر كەمپەینی “سەلامەتی دیجیتاڵی” بۆ بەرەنگاربوونەوەی توندوتیژی دژی ژنان دەستیپێكرد، ئامانج لهو كهمپینه خۆپاراستنه لە ههڕهشه و مهترسییه ئەلیكترۆنیهكان.
كهمپینهكه، لهلایهن بەڕێوەبەرایەتی گشتی چاودێری و گەشەپێدانی کۆمەڵایەتی ھەولێر و بەڕێوەبەرایەتی بەرەنگاربوونەوەی توندوتیژی دژی ئافرەتان و خێزانی هەولێر، بهڕێوهدهچێت.
بهپێی ئهو راگهیندراوهى كه چاودێری و گهشهپێدانى كۆمهڵایهتى بڵاویكردووهتهوه، ئەم كەمپەینە كۆمەڵێك چالاكی و بیرۆكەی جیا جیا لە خۆدەگرێت كە لەماوەی دوو هەفتەی بەرەنگاربوونەوەی توندوتیژی ئەنجام دەدرێت.
ئامانج لێى هۆشیاركردنەوەی تاكەكان و گەنجەكانه بۆ خۆپاراستنیان لە هەڕەشە و مەترسیە ئەلیكترۆنییەكان.
له میانهى بهڕێوهچوونى كهمپینهكه، 30 سیمینار ئهنجامدهدرێت و تیایدا بە هاوكاری دوو تیم هۆشیاركردنەوە دهدرێته ههزار و 500 قوتابی لە سنوری پارێزگای هەولێر و دەورووبەری.
