کەرکوک.. لە ساڵێکدا زياتر لە 12 هەزار کەس سەردانی نەخۆشخانەی شێرپەنجەیان کردووە
+964
کاروان ساڵح – کەرکوک
لە ساڵی رابردوودا نزیکەی 13 هەزار کەس سەردانی نەخۆشخانەی شێرپەنجەی کەرکوکی کردووە، هاوکات نزیکەی 20 هەزار پشکنینی تاقیگەیی بۆ کردووە.
دکتۆر نیاز ئەحمەد، بەڕێوەبەری سەنتەری پسپۆڕی کەرکوک بۆ نەخۆشی شێرپەنجە و خوێن بە تۆڕی964ـی راگەیاند: لە ساڵی 2022 بە دیاریکراوی 12 هەزار و 989 نەخۆش سەردانی نەخۆشخانەی شێرپەنجەکەیان کردووە.
بەڕێوەبەری سەنتەری پسپۆڕی کەرکوک بۆ شێرپەنجە، ئەوەشی روونکردەوە کە هەزار و 275 کەس وەک نەخۆشی هەوکردنی نوێی گرێی شێرپەنجە تۆمار کراون، هەروەها هەزار و 66 نەخۆش بۆ پشکنینی خوێن سەردانیان کردووە، هاوکات 17 هەزار و چوار کەس وردبینی تاقیگەییان بۆ کراوە، بە گشتی ئەوانەی پشکنینان لە تاقیگە بۆ کراوە ژمارەیان گەیشتە 198 هەزار و 921 کەس.
هەر لە ساڵی 2022ـدا، هەزار و 552 نەخۆش خوێنیان لە بانکی خوێنی سەنتەرەکە وەرگرتووە، هاوکات 13 هەزار و 700 ژەمی کیمیاوی بە نەخۆش دراوە.