بەحرکە
هاوڵاتیان لە جموجۆڵ نەکەوتوون و منداڵان پاسکیل لێدەخوڕن
+964
شۆڕش عەبدوڵا – هەولێر
هاوڵاتیانی قەزای بەحرکەی هەولێر لە دەرەوەن و کۆڵانەکانی لە جموجۆڵی منداڵان پەکی نەکەوتووە.
سەرەڕای راگەیاندنی قەدەغەی هاتوچۆ بەڵام هێشتا جموجۆڵ لە بەحرکە بەم بەیانییە بەدیدەکرێت، هەندێکیان منداڵن و لە کۆڵانەکان پاسکیل لێدەخوڕن یەکێکیان دەڵێت ”چی بكەین لە مارێ، سینگڵین”، هەندێکی دیکەیان دوکاندار و کاسبکارن و دەڵێن ” ئومێد خۆشناو وتوویەتی ئاساییە مارکێت و فڕن کراوەبێت”.
لە کاتێکدا بڕیارە رۆژانی 20 و 21ی ئەم مانگە قەدەغەی هاتوچۆبێت، چونکە سەرژمێریی گشتی لە هەرێمی كوردستان و عێراق بەڕێوەدەچێت، بەڵام خەڵکی خۆیان لە ناو ماڵەکانیان پێڕاناگیریت، جگە لەوەش قەدەغەكە زۆر چڕ نییە و مەجال هەیە بۆ هەندێك لە خەڵك و كاسبكاران ئیشوكاری خۆیان ئەنجام بدەن، ئەمە جگە لەوەی ژمارەیەك هاوڵاتی كارمەندن و ئەركی خۆیان لە رۆژانی سەرژمێرییش ئەنجام دەدەن.
پێداچوونەوە – ژوولی عەدنان
لە عێراق و كوردستان پرۆسەی سەرژمێریی گشتی دەستیپێكرد
