کوڕەکەی بۆ 964 قسە دەکات
دوو ساڵ بەسەر رووداوەکەی ماڵی حاجی مەزهەر تێپەڕی
964+
دیلان محەمەد – سلێمانی
دوو ساڵ بەسەر تەقینەوەی ئەو ماڵەی سلێمانی تێپەڕی کە بووە هۆی گیان لەدەستدانی 15 کەس و بریندار بوونی 8 کەس بەهۆی غازی ئێڵ پی جیەوە.
ئەمڕۆ خانەوادە و کەسوکاری ماڵی حاجی مەزهەر لە سلێمانی بۆ یادکردنەوەی ئەو رووداوە چوونە سەر گۆڕستان و لەوێ یادی ئەو کارەساتەیان کردەوە کە شەوی 17.11.2022 بەسەر خانەوادەکەیاندا هات.
بەهادینی کوڕی حاجی مەزهەر بۆ 964 وتی، ئەو قسانەی باس لەوە دەکەن کە هۆکارێکی دیکە هەبووبێت بۆ ئەو رووداوە هیچ ئەسڵی نییە و تەنیا تەقینەوەی غازی ئێڵ پی جی بووە و ئەوان رازین بە قەدەری خودا.
وتیشی، ئێستا بریندارەکان باشن و خەریکی ژیانی خۆیانن و ماڵێکی تازەشیان بۆ حاجی مەزهەر دروست کردووەتەوە.
پێداچوونەوە: توانا نەقی
