عێراق لە خاك و بەردەم جەماوەری خۆیدا لە ئوردنی نەبردەوە

964+

ئەرسەلان عەبدوڵا

یاریی لووتكەی نێوان هەردوو هەڵبژاردەی عێراق و ئوردن بەبێ گۆڵ كۆتایی هات، عێراق نەیتوانی دڵی زیاتر لە 65 هەزار هاندەر خۆش بكات.

یارییەكە لە گەڕی پێنجەمی پاڵاوتنەكانی ئاسیا بۆ گەیشتن بە مۆندیالی 2026 لە یاریگەی نێودەوڵەتی بەسڕە بەڕێوەچوو، كە پڕاوپڕ بوو لە هاندەری عێراقی.

یارییەكە ئاستێكی بەهێزی هەبوو، بەڵام بەبێ گۆڵ كۆتایی هات.

عێراق چاوی لەوەبوو تۆڵەی شكستەكەی جامی ئاسیای 2023 لە ئوردن بكاتەوە، بەڵام ئەمەی بۆ نەهاتەدی و دوو خاڵی لەدەست دا.

بەم ئەنجامە عێراق ئەركی خۆی قورس كرد لە كۆمەڵەی دووەمی پاڵاوتندا، بەو پێیەی یەكەمی كۆمەڵەكە، كە هەڵبژاردەی كۆریای باشوورە، ئەمڕۆ لە كوێتی بردەوە و ژمارەی خاڵەكانی گەیاندە 13 خاڵ، بەمەش 5 خاڵ لە عێراق و ئوردن دوورە.

عێراق یاریی داهاتووی بەرامبەر عومانە لە مەسقەت، كە 19ی ئەم مانگە دەكرێت و ئوردنیش لەگەڵ كوێت یاریی دەكات، هەروەها كۆریای باشوور لە عەممان بەرامبەر فەڵەستین یاریی دەكات.

ئاماری یارییەكانی عێراق و ئوردن

48 یاری

27 بردنەوە بۆ عێراق

9 بردنەوە بۆ ئوردن

12 یەكسانبوون

79 گۆڵ بۆ عێراق

45 گۆڵ بۆ ئوردن

ئەم ئێوارەیە عێراق و ئوردن یاریی لوتكەی ئاسیا دەكەن