ئەو ژنە بەساڵاچووەیب لەلایەن پۆلیسی سلێمانییەوە دۆزراوەتەوە وێنە: پۆلیسی سلێمانی
هیچ ناسنامەیەکی پێ نییە و ناتوانێت قسە بکات
پۆلیسی سلێمانی بەدوای کەسوکاری ژنێکی بەتەمەندا دەگەڕێت
+964
ژێوار خدر
ژنێکی بەساڵاچوو لەلایەن پۆلیسی سلێمانییەوە دۆزراوەتەوە، کە ناتوانێ قسە بکات و هیچ ناسنامەیەکیشی پێ نییە و پۆلیسیش بەدوای کەسوکاریدا دەگەڕێت.
پۆلیسی پارێزگای سلێمانی ئێوارەی ئەمڕۆ چوارشەممە 13.11.2024، ئاگادارییەکی بڵاوکردووەتەوە و دەڵێت، لەلایەن هێزەکانمانەوە هاوڵاتییەک دۆزراوەتەوە کە ناسنامەی پێ نییە و ناتوانێت قسە بکات.
دەشڵێت، هاوڵاتییەکە ژنێکی بەتەمەنە و ئێستا لە بنکەی پۆلیسی ئیبراهیم ئەحمەدە.
داواش لە کەسوکاری یان هەر هاوڵاتییەک دەکات، کە دەیناسێت یان زانیاری لەبارەی ئەو کەسەوە هەیە، سەردانی بنکەی پۆلیسی ئیبراهیم ئەحمەد بکات، یان لە رێگەی ئەم ژمارەیەوە پەیوەندییان پێوە بکات
07734505151
