تفه‌نگ و فیشه‌ك و چه‌قۆشی پێگیراوه
لە هەولێر بازرگانێکی ماددەی هۆشبەر به كریستال و مه‌ریجوانا ده‌ستگیركرا
964+
فه‌رهاد حه‌سه‌ن
ئاسایشی هه‌ولێر بڵاویكرده‌وه بازرگانێکی ماددە هۆشبەرەکانیان ده‌ستگیركردووه، دوو جۆر ئه‌و ماده‌یه‌شی پێگیراوه كه بریتی بووه له كریستاڵ و مه‌ریجوان.
ئاماژه‌ى به‌وه‌كردووه، دوای ئەنجامدانی بەدواداچون لە لایەن تیمەکانی بەڕێوەبەرایەتیەکەیان، بە فەرمانی دادوەری لێکۆڵینەوەی ئاسایشی هەولێر ئه‌م بازرگانه‌یان بەناوی (ع ، م ، ح) دەستگیرکردووه.
لەکاتی دەستگیرکردنیدا، جگه له ده‌ست به‌سه‌رداگرتنى نزیکەی سێ کیلۆ گرام ماددەی هۆشبەر لە جۆری (کریستاڵ) و (مەریجوانا) هەروەها دەستیان بەسەر دوو چەکی بێ مۆڵەت و ژمارەیەک فیشەک و چەقۆ و ئامێری پێوانەکردن و کێشانی ماددەی هۆشبەریشدا گرتووه.
