کتێبی قورئانی پیرۆز. وێنە:964
داوای کتێب دەکات
ئەوقافی هەولێر داوای کتێب دەکات بۆ کتێبخانە نوێیەکەی
964+
ژووری هەواڵ
ئەوقافی هەولێر بڕیاریداوە کتێبخانەی تایبەت بە بەڕێوەبەرایەتییەکە بکاتەوە و داوا لە مامۆستایانی ئایینی و نوسەران دەکات توێژنەوە و کتێبەکانیان ببەنە کتێبخانەکە.
ئەمڕۆ شەممە 9.11.2024، بەڕێوەبەرایەتی ئەوقافی هەولێر رایگەیاند، مامۆستایان و ئارەزومەندانی کتێب لە ھەموو بوارە جیاوازەکان ئاگادار دەکەینەوە، کە بۆ خزمەتی خوێنەران و بواری توێژینەوەو ھەنگاوە ئەکادیمیەکان، ئەوقافی ھەولێر کتێبخانەی تایبەتی خۆی دادەمەزرێنێت.
لە ئاگادارییەکەدا بۆ مامۆستایان و خوێنەران، ئەوقافی هەولێر دەڵێت، سەیرێکی کتێخانەکانی خۆتان بکەن و ئەوەی شایانە پێشکەشی ئەوقافی بکەن، سەردانمان بکەن وکتێبەکان بەناوی خۆتان تۆمار دەکرێن بۆ ھەتا ھەتایە دەمێننەوە.
“کتێبەکان لەھەر بوارێکدا بن بەسوپاسەوە وەردەگیرێن، ئامانجی سەرەکیمان دروستکردنی گەنجینەی ئەدەبی و زانستی ئەوقافی ھەولێرە بۆ خزمەتی ئاینی پیرۆز و کوردستان”، ئەوقافی هەولێر وا دەڵێت.
