ئەوقافى دهۆک:
لە کتێبى کوردى پۆلى 10ـى ئامادەیى سوکایەتى بە ئاینى ئیسلام نەکراوە
964+
وریا فەتاح
ئەوقافى دهۆک لە بارەى دەنگۆى هەبوونى سوکایەتى بە ئاینى ئیسلام لەناو پەرتوکى زمانى کوردى پۆلى 10ـى ئامادەیى روونکردنەوەیەکى بڵاوکردەوە و دەڵێت، ئەو دەنگۆیانە راست نین و لێکۆڵینەوەمان کردووە.
ئەوقافى دهۆک لە روونکردنەوەکەیدا دەڵێت،”ئەو دەنگۆیانەى باس لەوە دەکەن کە لەناو پەرتوکى زمانى کوردى پۆلى 10ـى ئامادەیى سوکایەتى بە ئاینى ئیسلام کراوە، بەدواداچوونمان بۆ کرد و دەرکەوت کە راست نییە و هیچ بابەتێک بوونى نییە کە سووکایەتى تێدابێت بە ئاینى ئیسلام”.
“ناکرێت هەر وتى وتى و دەنگۆیەک بڵاو بووەوە باوەڕ بکەین و تا ئەو کاتەى دڵنیا نەبینەوە”، ئەوقافى دهۆک واى نوسیوە.
جەختیشکراوتەوە کە رێزگرتن لە ئاینى ئیسلام و هەموو ئاینەکانى دیکە و کارى سەرەکى ئەوانە و رێگە بە سوکایەتى نادرێت.
