رێورەسمی یادی 1ی شوبات لە هەولێر وێنە: سابیر دری
لە هەولێر یادی 1ی شوبات کرایەوە
964+
توانا نەقی
ئەمڕۆ 1ی شوباتی 2022 لە هەولێر یادی 19 ساڵەی تەقینەوە خۆکوژکییەی هەردوو بارەگای مەڵبەندی سێی یەکێتی و لقی دووی پارتی دیموکراتی کوردستان دەکرێتەوە.
یادەکە لە مۆنۆمێنتی شەهیدانی 1ی شوبات، لە پارکی سامی عەبدولرەحمان لە هەولێر، بە ئامادەبوونی سەرۆکی حکومەت و سەرۆکی پەرلەمان و وەزیری شەهیدان و نوێنەری حزب و لایەنە سیاسییەکان بەڕیوەدەچێت.
لە مەراسیمەکەدا وەزیری شەهیدان و ئەنفالکراوانی حکومەتی هەرێم رایگەیاند “پێویستە حکومەتی عێراق قەرەبووی سەرجەم شەهیدان بێجیاوازی بکاتەوە”.
1ی شوباتی 2004 لەیەکەم رۆژی جەژنی قورباندا دوو خۆکوژ هەردوو بارەگای لقی دووی پارتی و مەڵبەندی سێی یەکێتیان لە هەولێر کردە ئامانج و بەو هۆیەوە 103 کەس شەهیدبوون و 246 کەسیش برینداربوون، کە بەشێکی زۆریان ئەدامانی باڵای حزبی و حکومی بوون.