دیمەنی یەکێک لە گەوڕە روخێنراوەکان وێنە: شارەوانی سلێمانی
لەپێناو پاکڕاگرتنی ژینگە
چەند گەوڕێک لە گەڕەکی کازیوەی سلێمانی لابران
+964
ژێوار خدر
شارەوانيی سلێمانی رایگەیاند چەند گەوڕێکی لە سنووری گەڕەکی کازیوە (کانی شەکراو) لابرد و دەڵێت، بە ئەرکی خۆمانی دەزانین رێگری لە هەر کارێک بکەین دژی رێنمایی و یاسا بێت.
شارەوانییەکە روونیکردووەتەوە، لەسەر سکاڵای هاوڵاتییان، تیمەکانیان لە بەشی زیادەڕۆیی چەند گەوڕێکیان رووخاندووە.
دەشڵێت، گەوڕەکان جگە لەوەی هۆکارن بۆ بڵاوبوونەوەی نەخۆشی، لە سنوری ماستەرپلانی شاریشدا هەبوونی گەوڕ رێپێدراو نییە و بە سەرپێچی و زیادەڕۆیی هەژمار دەکرێت.
” ئاگاداری سەرجەم خاوەن گەورەکان دەکەین لەکاتی دووبارە دروستکردنەوەی گەورەکان ڕووبەڕووی یاسا دەبنەوە.” شارەوانی سلێمانی بەمشێوەیە هاوڵاتیانی ئاگادار کردووەتەوە بۆ ئەوەی دوووبارە گەوڕەکان دروستنەکەنەوە.
