به‌م شه‌وه‌ هەڵمەتێکی چڕی گرتنی ماتۆڕ دەستیپێکرد

964+
سیروان خورشید – دوزخورماتوو

ئەمشەو ھەڵمەتێکی چڕی دەستبەسەراگرتنی ماتۆڕ لە خورماتوو دەستیپێکردووه‌، پۆلیسی خۆجێی و ھاتوچۆ و ئاسایشی نیشتمانی بەشداربوون، هه‌ر ئه‌مشه‌ویش زیاتر له‌ 50 دانه‌یان ده‌ستیان به‌سه‌رداگیراوه‌.
عەمید موئەیەد عەباس، بەڕێوەبەری هاتوچۆی گشتیی خورماتوو بە 964ـی وت، ھەڵمەتەکە دوای گلەیی و گازاندەی ھاوڵاتیان دێت، کە ئەو ماتۆڕانە بوونەتە ھۆی بێزارکردنی ھاوڵاتیان و ساڵنسەی ماتۆڕەکانیان گۆڕیوە بۆ دەنگی بەرز و بەردەم ماتۆڕەکانیان بەرزدەکەنەوە.
وتیشی “زیاتر لە 50 ماتۆڕ دەستیان بەسەرداگیراوە و لێپرسینه‌وه‌ى توندیش بەرامبەر شۆفێری ئەو ماتۆڕانە دەكرێت و ھەڵمەتەکەش بەردەوام ده‌بێت”.
ئاماژه‌ى به‌وه‌ش كرد، ئەو ماتۆڕانەی دەستیان بەسەرگیراوە، جارێکیتر نادرێنەوە خاوەنەکانیان، چونكه‌ پێشتر چەند جارێکی دیکەش دەستبەسەرکراون و پێیان دراوەتەوە و هۆشداریان پێدراوە.

پێداچوونه‌وه‌: فه‌رهاد حه‌سه‌ن

‫دوو ماتۆڕسوار به‌یه‌كیان دادا و یه‌كێكیان گیانى له‌ده‌ستداوه‌