لە هەولێر
شارەوانی پۆستەر و فلێكسی كاندیدەكان هەڵدەگرێتەوە
+964
ئەرسەلان عەبدوڵا
سەرۆکایەتیی شارەوانیی هەولێر لە رێگای تیمەکانی تەواوی پۆستەر و تابلۆ و وێنەی کاندیدانی حزب و لایەنە سیاسیەکان لادەبات.
شارەوانیی هەولێر رایگەیاند، دوای بەدوای تەواوبوونی پرۆسەی هەڵبژاردن،
لە دوو ڕۆژی رابردوودا تا ئێوارەی سێشەممە 22.10.2024 تیمەکانیان لە بەڕێوەبەرایەتیی خزمەتگوزاری و ژینگەپارێزیی هەولێر بەردەوام بوون
لە هەڵمەتی فراوانی لێکردنەوە و کۆکردنەوەی هەموو ئەو دروشم و وێنەی کاندیدی لایەنە سیاسییەکانی بەشداربوو لە بانگەشەی هەڵبژاردنی خولی شەشەمی پەرلەمانی کوردستان، كە تەواوی شۆستە و شەقامەکانی شاری هەولێری تەنیبوو .
شارەوانیی هەولێر وێنەی تیمەكانی خۆی بڵاوكردەوە، كە سەرقاڵی لێكردنەوە و لابردنی پۆستە و فلێكسی كاندیدەكانن لە شەقامەكانی هەولێر.
جێی سەرنجە، لە هەڵبژاردنی ئەمجارە هەر لەگەڵ كۆتاییهاتنی وادەی بانگەشەی هەڵبژاردن، پێش كارەكانی شارەوانی، ژمارەیەك لە هاوڵاتیان خۆیان زۆربەی فلێكس و پۆستەكانیان لابرد، بۆ ئەوەی سوود لە ئاسن و داری فلێكس و پۆستەكان وەربگرن و بیفرۆشنەوە.
هەڵبژاردنی گشتیی كوردستان لە 20.10.2024 بەڕێوەچوو، هەڵمەتی بانگەشە لە 25.9.2024 تا 15.10.2024 بەردەوام بوو.
پۆستەر و وێنەی بانگەشەی هەڵبژاردن کەی کۆدەکرێنەوە؟
بانگەشە
چاودێرانی هەڵبژاردن:
لە کاتی دەنگدان بانگەشەی لایەنەکان و توندوتیژی روویداوە
هەواڵەکان
هەزار و 600 چاودێر ئامادەن و هەرێم زیاتر لە 77 ملیار دیناری دایە بەغدا
هەڵبژاردنی كوردستان
ئەوانەی زووتر بانگەشەی هەڵبژاردنیان دەستپێكرد سزادران
هاتوچۆی سۆران: