دیمەنێکی کاتی کردنەوەی سەنتەرەکە لە زانکۆی سۆران... وێنە ؛ فەرمانگەی ژینگەی سۆران.
زانكۆكه‌ى به‌هه‌ماهه‌نگی ژینگه به‌ڕێوه‌ى ده‌بات
سه‌نته‌رێكی توێژینه‌وه‌ی گۆڕانی كه‌شوهه‌وا له سۆران كرایه‌وه
964+
فه‌رهاد حه‌سه‌ن
فه‌رمانگه‌ی ژینگه‌ی ئیداره‌ی سۆران ده‌ڵێت، له زانكۆى ئیداره‌كه‌یان سه‌نته‌رێكی تایبه‌ت به توێژینه‌وه‌ی گۆڕانی كه‌شوهه‌وا كراوه‌ته‌وه و بۆ چاره‌سه‌ركردنى كێشه ژینگه‌ییه‌كان پشت به توێژینه‌وه‌كانى زانكۆ ده‌به‌ستێت.
سه‌نته‌ره‌كه بۆ یه‌كه‌مجاره له سۆران ده‌كرێته‌وه.
هه‌ژار ماهیر، به‌ڕێوه‌به‌رى فه‌رمانگه‌ى ژینگه‌ى سۆران به 964ـى راگه‌یاند، سه‌نته‌ره‌كه له‌سه‌ر ئاستى عێراق و هه‌رێمی كوردستان كار ده‌كات و ئه‌وانیش وه‌كو فه‌رمانگه‌ى ژینگه هه‌ماهه‌نگیان ده‌بن.
وتیشی “سه‌نته‌ره‌كه پشت به توێژینه‌وه‌ى خوێندكارانى ماسته‌ر و دكتۆرا ده‌به‌ستێت بۆ كاره‌كانى و چاره‌سه‌رى پێویست بۆ كێشه‌كانى گۆڕانى كه‌شوهه‌وا و كێشه ژینگه‌ییه‌كان ده‌كات”.
ئاماژه‌ى به‌وه‌شكرد، شێوازى كاركردنى سه‌نته‌ره‌كه ئه‌كادیمی و زانستییه و توێژه‌رانى ناوخۆ و نێوده‌وڵه‌تیش كاری تێدا ده‌كه‌ن.
